ភ្នំពេញ៖ ក្រសួងអប់រំ យុវជន និងកីឡា បានកិច្ចប្រជុំពិភាក្សាត្រៀមអនុវត្តការងារជាមួយវិទ្យាស្ថានជាតិអប់រំនៃប្រទេសសឹង្ហបុរី ដោយគម្រោងការងារនេះនឹងគាំទ្រទៅលើសកម្មភាពមួយចំនួនដូចជា ពិនិត្យកម្មវិធីសិក្សាផ្នែកវិទ្យាសាស្ត្រ ដើម្បីធានាបាននូវកម្មវិធីសិក្សាស្របតាមស្តង់ដាថ្នាក់តំបន់ និងអន្តរជាតិ អភិវឌ្ឍសៀវភៅសិក្សាគោល បណ្ដុះបណ្ដាលគ្រូគរុកោសល្យ គាំទ្រដល់ការងាររបស់វិទ្យាស្ថានជាតិអប់រំ ជួយដល់ក្រសួងអប់រំ យុវជន និងកីឡា ក្នុងការពង្រឹងប្រព័ន្ធវាយតម្លៃ និងត្រួតពិនិត្យ ព្រមទាំងជួយក្នុងការអភិវឌ្ឍគម្រោងសម្រាប់បង្កើតអង្គភាពត្រួតពិនិត្យលើគម្រោងរយៈពេលវែង។
កិច្ចប្រជុំពិភាក្សានេះដឹកនាំដោយ ឯកឧត្ដមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួង អប់រំ យុវជន និងកីឡា នាព្រឹកថ្ងៃព្រហស្បតិ៍ ១២រោច ខែពិសាខ ឆ្នាំកុរ ឯកស័ក ព.ស.២៥៦៣ នៅទីស្ដីការក្រសួងអប់រំ យុវជន និងកីឡា៕
No comments:
Post a Comment