សៀមរាប៖ កាលពីវេលាម៉ោងប្រហែល ០១.៥០នាទីរំលងអាធ្រាតឈានចូលថ្ងៃទី៣០ ខែធ្នូ ឆ្នាំ២០១៨ នៅមន្ទីរពេទ្យបង្អែកខេត្តសៀមរាប មានជនបរទេសម្នាក់បានស្លាប់ ។ សមត្ថកិច្ចនគរបាលបានឲ្យដឹងថាជនរងគ្រោះមានឈ្មោះ DANNIS MATHA S VETHAMUTHU ភេទប្រុស កើតថ្ងៃទី២៨ ខែកុម្ភៈ ឆ្នាំ១៩៥៨ ជនជាតិម៉ាឡេសុី កាន់លិខិតឆ្លងដែនលេខA៥២១៦៩៥៣៨ ជាភ្ញៀវទេសចរណ៍ចូលមកព្រះរាជាណាចក្រកម្ពុជា កាលពីថ្ងៃទី២៧ ខែធ្នូ ឆ្នាំ២០១៨ តាមច្រកព្រលានយន្តហោះអន្តរជាតិសៀមរាប ស្នាក់នៅបន្ទប់លេខ ៥០៦ ផ្ទះសំណាក់ប៊ូទិកឆាយ ឡុងអង្គរ ភូមិវិហារចិន សង្កាត់ស្វាយដង្គំ ក្រុង -ខេត្តសៀមរាប ។ តាមការសាកសួរបំភ្លឺពីប្រពន្ធជនរងគ្រោះ បានអោយយើងដឹងថា៖ នៅវេលាម៉ោង៨.៣០នាទីព្រឹកថ្ងៃទី២៨ ខែធ្នូ ឆ្នាំ២០១៨ ប្តីរបស់គាត់មានសភាពឈឺធ្ងន់ធ្ងរពេញក្នុងពោះហើយបានយកទៅសង្រ្គោះនៅមន្ទីរពេទ្យរ៉ូយ៉ាល់អង្គរ ។ ក្រុមគ្រូពេទ្យបានធ្វេីការពិនិត្យភ្លាមៗ ឃេីញថាជម្ងឺរបស់គាត់មានសភាពធ្ងន់ធ្ងរដែលមិនអាចព្យាបាលបាន លុះដល់ម៉ោង០២.០០នាទីយប់នាថ្ងៃទី២៩ ខែធ្នូ ឆ្នាំ២០១៨ ប្រពន្ធរបស់ជនរងគ្រោះបានបញ្ជូនមកពេទ្យបង្អែកខេត្តសៀមរាប និងសំរេចឲ្យធ្វេីការវះកាត់ដេីម្បីឲ្យអស់ចិត្តលុះដល់ម៉ោង១.៥០នាទី រំលងអាធ្រាតនាទីថ្ងៃទី៣០ ខែធ្នូ ឆ្នាំ២០១៨ ប្តីរបស់គាត់ក៏បានស្លាប់ទៅក្រោយពីធ្វើការវះកាត់។ គ្រួសារសពគាត់បានបញ្ជាក់បន្ថែមថា កន្លងមកប្តីរបស់គាត់ធ្លាប់បានធ្វេីការវះកាត់រួចម្តងមកហេីយកាលពីនៅប្រទេរបស់គាត់ ។ តាមការពិនិត្យសាកសពនៅលើខ្លួន នៃសពពុំមានស្លាកស្នាមអ្វីគួរឲ្យកត់សំគាល់ឡើយ។ផ្អែកតាមការស្រាវជ្រាវរបស់សមត្ថកិច្ចជំនាញ និងលោកវេជ្ជបណ្ឌិតអុិត ឆបឆរ័ត្ឋគ្រូពេទ្យអមតុលាការបានសន្និដ្ឋានថា៖ ជនរងគ្រោះស្លាប់ដោយសារធ្លាយពោះវៀនតូច ។ បច្ចុប្បន្នសាកសពត្រូវបានបញ្ជូនទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរ សូវៀត(ពេទ្យរុស្សុី)រាជធានីភ្នំពេញតាមសំណូមពររបស់ក្រុមគ្រួសារសព ។
No comments:
Post a Comment