រដ្ឋបាលខេត្ត និងសប្បុរសជន ព្រមទាំងពុទ្ធបរិស័ទ បានប្រកេនចង្ហាន់ ស្បៀងអាហារ គ្រឿងឧបភោគបរិភោគ និងបច្ច័យដល់តំណាងព្រះសង្ឃចំនួន ៣៣វត្ត នៅទូទាំងខេត្តប៉ៃលិន

ប៉ៃលិន៖ ថ្ងៃពុធ ១រោច ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៨ ខែមេសា ឆ្នាំ២០២០ រដ្ឋបាលខេត្ត និងសប្បុរសជន ព្រមទាំងពុទ្ធបរិស័ទ បានប្រកេនចង្ហាន់ ស្បៀងអាហារ គ្រឿងឧបភោគបរិភោគ  និងបច្ច័យដល់តំណាងព្រះសង្ឃចំនួន ៣៣វត្ត នៅទូទាំងខេត្តប៉ៃលិន ដែលមានការខ្វះខាតចង្ហាន់ប្រចាំថ្ងៃ បន្ទាប់ពីរងផលប៉ះពាល់ដោយសារការផ្ទុះឡើងនៃជម្ងឺ Covid-19 នៅវត្តពោធិមារាម ហៅវត្តប៉ាហ៊ី និងអំពាវនាវដល់ព្រះចៅអធិការគ្រប់វត្ត ត្រូវចូលរួមផ្សព្វផ្សាយអំពីវិធានការបង្ការ និងទប់ស្កាត់ការរីករាលដាលនៃជំងឺកូវីត១៩ ដល់ព្រះសង្ឃដូចគ្នា និងពុទ្ធបរិស័ទ្ធ ជាពិសេសគ្រប់គ្រងព្រះសង្ឃ ដែលនិមន្តបម្លាស់ទីពីវត្ត១ទៅវត្ត១ ទាំងនៅក្នុងប្រទេស និងមកពីក្រៅប្រទេស ស្របតាមវិធានការណ៍យ៉ាងម៉ឺងម៉ាត់របស់រាជរដ្ឋាភិបាលកម្ពុជា និងសេចក្តីណែនាំរបស់ក្រសួងសុខាភិបាល។