នៅយប់ថ្ងៃព្រហស្បតិ៍ ២រោច ខែចេត្រ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៩ ខែមេសា ឆ្នាំ២០២០ នេះ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល និងជាប្រធានគណៈបញ្ជាការឯកភាពខណ្ឌ បានដឹកនាំកិច្ចប្រជុំ ដាក់ផែនការបន្ទាន់ និងដឹកនាំកំលាំងគណៈបញ្ជាការឯកភាពខណ្ឌ ដេីម្បីអនុវត្តន៍បទបញ្ជាលេខ ០២ ប.ប ចុះថ្ងៃទី០៩ ខែមេសា ឆ្នាំ២០២០ ស្តីពីការដាក់កំហិតលេីការធ្វេីដំណេីរក្នងប្រទេស ក្នុងគោលដៅបង្ការ និងទប់ស្កាត់ការរាតត្បាតជំងឺកូវីដ-១៩ ដោយក្នុងនោះ សម្រាប់ភូមិសាស្ត្រខណ្ឌកំបូល មាន៥គោលដៅ ៖
- គោកដៅទី១៖ ផ្លូវជាតិលេខ៤ ព្រំប្រទល់ស្រុកអង្គស្នួល ខេត្តកណ្តាល ។
- គោលដៅទី២៖ផ្លូវលេខ៤២ ស្ពានប្រឡាយតាហោ ភូមិទួលស្វាយ សង្កាត់បឹងធំ ។
- គោលដៅទី៣៖ស្ពានផ្លូវបេតុង មុខវត្តភ្នៀត ព្រំប្រទល់ខណ្ឌព្រែកព្នៅ ។
- គោលដៅទី៤៖ មុខវត្តទ័នអរ សង្កាត់ឪឡោក ព្រំប្រទល់ខណ្ឌព្រែកព្នៅ
- គោលដៅទី៥៖ ផ្លូវលេខ៤២ ផ្លូវបង្គោលតង់ស្យុង ភូមិអំពិល សង្កាត់កំបូល ។
គោលដៅខាងលេី ដឹកនាំដោយលោកអភិបាលរងខណ្ឌ និងមានកំលាំងនគរបាលខណ្ឌ អាវុធហត្ថខណ្ឌ មន្ត្រីសាលាខណ្ឌ និងប្រជាការពារទាំង៧ សង្កាត់ ចូលរួមសហការ ។
No comments:
Post a Comment