វេទិកានៃអង្គការមិនមែនរដ្ឋាភិបាល ស្តីពីកម្ពុជារៀបចំសិក្ខាសាលាពិគ្រោះយោបល់ថ្នាក់ជាតិ ដើម្បីប្រមូលធាតុចូលលើសេចក្តីព្រាងផែនការយុទ្ធសាស្ត្រអភិវឌ្ឍន៍ជាតិ ឆ្នាំ២០១៩-២០២៣

ភ្នំពេញ៖ វេទិកានៃអង្គការមិនមែនរដ្ឋាភិបាល ស្តីពីកម្ពុជា (NGOF) សហការជាមួយអង្គការ CAFOD, DCA, DPA, IUCN, NPA, VSO និង OXFAM បានរៀបចំសិក្ខាសាលាពិគ្រោះយោបល់ថ្នាក់ជាតិ ដើម្បីប្រមូលធាតុចូលលើសេចក្តីព្រាងផែនការយុទ្ធសាស្ត្រអភិវឌ្ឍន៍ជាតិ ឆ្នាំ២០១៩-២០២៣ នាថ្ងៃទី១៧ ខែធ្នូ ឆ្នាំ២០១៨ នៅភោជនីយដ្ឋានទន្លេបាសាក់២ រាជធានីភ្នំពេញ ដែលមានអ្នកចូលរួមចំនួន ១៦០(៤៨ ស្ត្រី)។

កិច្ចប្រជុំនេះ មានការចូលរួមពីឯកឧត្តម ប៉ូចសុវណ្ណឌី អគ្គនាយកដ្ឋានផែនការ នៃក្រសួងផែនការ ក្នុងការចែករំលែកដល់អ្នកចូលរួម និងធ្វើបច្ចុប្បន្នភាពអំពីការរៀបចំផែនការយុទ្ធសាស្ត្រអភិវឌ្ឍន៍ជាតិ ២០១៩-២០២៣ ដល់អ្នកចូលរួមក្នុងការយល់ដឹងបន្ថែម ក៏ដូចជាចោទជាសំណួរសួរ។

វេទិកានេះ មានសារៈសំខាន់ក្នុងការប្រមូលធាតុចូលតាមវិស័យ ជាពិសេសអង្គការសហគមន៍មូលដ្ឋាន សហគមន៍ជនជាតិដើមភាគតិច អង្គការសង្គមស៊ីវិល ដែលមានបទពិសោធន៍ និង-មានសកម្មភាពផ្ទាល់លើវិស័យរបស់ខ្លូន។

គូសបញ្ជាក់ថា ដំណើរការពិគ្រោះយោបល់នេះ ត្រូវបានរៀបចំជាដំណាក់កាលធំៗរួមមាន៖ កិច្ចពិគ្រោះយោបល់ថ្នាក់ក្រោមជាតិចំនួន២ដង (នៅខេត្តសៀមរាប និងកំពង់ចាម) កិច្ចប្រជុំក្រុមការងារបច្ចេកទេសជាមួយក្រសួងពាក់ព័ន្ធនានា កិច្ចប្រជុំពិគ្រោះយោបល់ជាមួយសាប័នសិក្សាស្រាវជ្រាវឯករាជ្យ សាស្ត្រាចារ្យសាលកវិទ្យាល័យ និងកិច្ចប្រជុំថ្នាក់ដឹកនាំអង្គការសង្គមស៊ីវិល។