នៅព្រឹកថ្ងៃពុធ ៣កេីត ខែជេស្ឋ ឆ្នាំកុរ ឯកស័កព.ស ២៥៦៣ ត្រូវនឹងថ្ងៃទី៥ ខែមិថុនា ឆ្នាំ២០១៩ ដោយមានគោលការណែនាំពីក្រសួងបរិស្ថាន និងគោលការឯកភាពពីរដ្ឋបាលខេត្តកែប មន្ទីរបរិស្ថានខេត្តកែបបានរៀបចំទិវាបរិស្ថានជាតិ និងបរិស្ថានពិភពលោក ៥មិថុនា ក្រោមប្រធានបទ "ការបំពុលខ្យល់" និង ទិវាជីវ:ចម្រុះអន្តរជាតិ២២ឧសភា ក្រោមប្រធានបទ "ជីវ:ចម្រុះរបស់យេីង អាហាររបស់យេីង សុខភាពរបស់យេីង" ។
ឯកឧត្តម កែន សត្ថា អភិបាលនៃគណ:អភិបាលខេត្តកែប រួមជាមួយ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត មន្ត្រីរាជការ កងកំលាំងប្រដាប់អាវុធ ក្រុមប្រឹក្សា គណ:អភិបាលក្រុងកែប ស្រុកដំណាក់ចង្អេីរ លោកគ្រូ អ្នកគ្រូ សិស្សានុសិស្ស យុវជនសសយក យុវជនស្ម័គចិត្តកាកបាទក្រហម ក្រុមប្រឹក្សាសង្កាត់ ប្រជាពលរដ្ឋ ក្រុមអនាម័យក្រុងកែប សរុបប្រមាណ ៨១៩ នាក់ បានអញ្ជើញចូលរួមក្នុងព្រឹត្តិការណ៍នេះ នៅក្នុងបរិវេណអនុវិទ្យាល័យ និងបឋមសិក្សា ហ៊ុន សែន កែប។ ក្នុងឱកាសនោះ គណ:អធិបតី និងអ្នកចូលរួមទាំងអស់ចូលរួមដាំកូនឈេីប្រណីត រួមមានឈើ ក្រញូង ធ្នុង នាងនួន បេង គគី ឈេីទាល និងក្ងោក សរុប ៥០០ ដេីម និងផ្តល់ធុងសម្រាមជូនរដ្ឋបាលស្រុកដំណាក់ចង្អេីរចំនួន ៥០ធុង ផ្តល់ជូនអនុវិទ្យាល័យ និងបឋមសិក្សា ហ៊ុន សែន កែប ចំនួន ៥ ធុង។]
No comments:
Post a Comment