ស្នងការដ្ឋាននគរបាលខេត្តសៀមរាប បានបើកកិច្ចប្រជុំផ្សព្វផ្សាយអំពីការគ្រប់គ្រង និងអនុវត្តដីកាបង្គាប់អោយចាប់ខ្លួន

ព្រឹកថ្ងៃព្រហស្បតិ៍ ១២រោច ខែពិសាខ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៣០ ខែឧសភា ឆ្នាំ២០១៩ នៅស្នងការដ្ឋាននគរបាលខេត្តសៀមរាប បានបើកកិច្ចប្រជុំផ្សព្វផ្សាយអំពីការគ្រប់គ្រង និងអនុវត្តដីកាបង្គាប់អោយចាប់ខ្លួន ក្រោមអធិបតីភាព ឧត្តមសេនីយ៍ឯក មួង ឃីម អនុប្រធាននាយកដ្ឋានកណ្តាលនគរបាលយុត្តិធម៌ ដែលមានសមាជិកចូលរួម មាន លោកស្នងការរងទទួលផែន នគរបាលព្រហ្មទណ្ឌ លោកអនុប្រធានផែន លោក-លោកស្រី នាយ-នាយរងការិយាល័យចំណុះផែនព្រហ្មទណ្ឌ លោកអធិការក្រុង-ស្រុក លោកអធិការរងទទួលព្រហ្មទណ្ឌ ក្រុង-ស្រុក និងលោកនាយផែ្នកព្រហ្មទណ្ឌក្រុង- ស្រុក សរុបចំនួន ៥៨នាក់ ។