ប្រជាពលរដ្ឋជាង៣ម៉ឺននាក់បានចូលរួមឆ្លងឆ្នាំសកល២០១៨ឈានចូល២០១៩នៅក្រុងកំពង់ឆ្នាំង

កំពង់ឆ្នាំង៖ នាយប់ថ្ងៃទី៣១ ខែធ្នូ ឆ្នាំ២០១៨ប្រជាពលរដ្ឋចំនួនជាង៣ម៉ឺននាក់បានចូលរួមឆ្លងឆ្នាំសកល២០១៨ ឈានចូលឆ្នាំ២០១៩ នៅសួនច្បារក្នុងក្រុងកំពង់ឆ្នាំង។ នេះបានបង្ហាញអោយឃើញថាក្រោមនយោបាយឈ្នះ-ឈ្នះរបស់សម្តេចតេជោ ហ៊ុន សែនបានធ្វើអោយប្រទេសជាតិមានសុខសន្តិភាពពេញលេញ មានការអភិវឌ្ឍនិងរីកចំរើនលើគ្រប់វិស័យដល់បច្ចុប្បន្ននេះ ប្រជាពលរដ្ឋមានជីវភាពធូរធារមានឱកាសនាំក្រុមគ្រួសារដើរកំសាន្តក្នុងឱកាសបុណ្យផ្សេងៗ។

ដោយឡែកខេត្តកំពង់ឆ្នាំងក្រោមការដឹកនាំរបស់ឯកឧត្តមឈួរ ច័ន្ទឌឿនអភិបាលខេត្តបានធ្វើក្រុងកំពង់ឆ្នាំងមានសោភ័ណភាពស្រស់បំព្រងក្នុងយប់ឆ្លងឆ្នាំ២០១៨ឈានចូលឆ្នាំ២០១៩ប្រជាពលរដ្ឋចូលរួមឆ្លងឆ្នាំងប្រមាណជាង៣ម៉ឺននាក់ក្នុងក្រុងកំពង់ឆ្នាំង៕