លោកជំទាវ ឃួន សុដារី អនុប្រធានទី២រដ្ឋសភា អនុញ្ញាតឲ្យគណៈប្រតិភូរដ្ឋសភានៃសាធារណរដ្ឋកូរ៉េ ចូលជួបសម្តែងការគួរសម និងធ្វើសវនាការ

ភ្នំពេញ៖ នៅព្រឹកថ្ងៃទី២៥ ខែធ្នូ ឆ្នាំ២០១៨ លោកជំទាវ ឃួន សុដារី អនុប្រធានទី២ នៃរដ្ឋសភា អមដោយ ថ្នាក់ដឹកនាំជាន់ខ្ពស់ នៃរដ្ឋសភា មួយចំនួន បានអនុញ្ញាតឲ្យគណៈប្រតិភូនៃគណៈកម្មាធិការនីតិកម្ម និងយុត្តិធម៌ ដឹកនាំដោយ ឯកឧត្តម ជូ វ៉ាងឌឿក (Hon. Mr. Joo Kwang-deok) សមាជិករដ្ឋសភាលើកទី ២០ នៃសាធារណរដ្ឋកូរ៉េ ចូលជួបសម្តែងការគួរសម និងធ្វើសវនាការ ក្នុងឱកាសដែល គណៈប្រតិភូ អញ្ជើញមកបំពេញទស្សនកិច្ច ផ្លាស់ប្ដូរបទពិសោធន៍ការងារ នៅរដ្ឋសភាកម្ពុជា ពីថ្ងៃទី២៣ ដល់ថ្ងៃទី២៥ ខែធ្នូ ឆ្នាំ២០១៨។