មន្ត្រីឧទ្យានុរក្សជម្រកសត្វព្រៃសំបូរប្រទះឃើញករណីកាប់គាស់រុករានទន្ទ្រាន និងបោះបង្គោលហ៊ុំព័ទ្ធដីព្រៃធ្វើកម្មសិទិ្ធ

នៅថ្ងៃទី២០ ខែមេសា ឆ្នាំ២០២០ មន្ត្រីឧទ្យានុរក្សជម្រកសត្វព្រៃសំបូរ សហការចុះល្បាតជាមួយក្រុមល្បាតស្ម័គ្រចិត្តបានចុះល្បាតដើម្បីទប់ស្កាត់បទល្មើសធនធានធម្មជាតិ។ នៅក្នុងការល្បាតនៅភូមិសាស្រ្តឃុំអូរគ្រៀង ស្រុកសំបូរ ខេត្តក្រចេះ ក្រុមមន្ត្រីឧទ្យានុរក្សបានប្រទះឃើញករណីកាប់គាស់រុករានទន្ទ្រាន និងបោះបង្គោលហ៊ុំព័ទ្ធដីព្រៃធ្វើកម្មសិទិ្ធ។ ពេលដែលមន្ត្រីឧទ្យានុ និងសហគមន៍ចូលទៅដល់ជនសង្ស័យបានរត់គេចខ្លួនចូលព្រៃបាត់អស់ បន្សល់ទុកនៅរណាយន្តធុនធំចំនួន០១គ្រឿង កាំបិតផ្គាក់ចំនួន០១ ពូថៅចំនួន ០១ និងសត្វត្រកួតចំនួន០១ក្បាលទំនង់០២គីឡូក្រាម ចំពោះបង្គោលចំនួន៥០០ដើមត្រូវបានមន្ត្រីឧទ្យានុរក្ស និងសហគមន៍ក្រុមល្បាតស្ម័គ្រចិត្តប្រមូលដុតកម្ទេចចោលតែម្តង។ វត្ថុតាងទាំងអស់នេះត្រូវបានយកមករក្សាទុកនៅស្នាក់ការដែនជម្រកសត្វព្រៃសំបូរ ដោយឡែកសត្វត្រកួតចំនួន០១ក្បាលត្រូវបានប្រឡែងចូលព្រៃវិញ ។