រូបភាពក្រោយចប់ការប្រកួតបាល់ទាត់ រវាងក្រុមកម្ពុជា និងហ្វីលីពីន កាលពីយប់មិញ

កាលពីរាត្រីយប់មិញ ក្រុមគោព្រៃកម្ពុជា យកបានត្រឹម១ពិន្ទុ ពីក្រុមម្ចាស់ផ្ទះ ហ្វីលីពីន ប៉ុណ្ណោះ។ កម្ពុជាមានឱកាសនាំមុខម្ចាស់ផ្ទះ ១គ្រាប់មុន ស៊ុតបញ្ចូលទីដោយកីឡាករ កែវ សុខផេង នៅនាទី ៤១ ក្រោយលេងបានយ៉ាងល្អជាមួយកីឡាករ សាត រ៉ូស៊ីប ចប់តង់ទី១ កម្ពុជានាំមុខហ្វីលីពីន ១ ទល់នឹង០។ ចាប់ផ្តើមតង់ទី២ ក្រុមម្ចាស់ផ្ទះបានដាក់សំពាធយ៉ាងខ្លាំង រហូតបានសម្រេចមួយគ្រាប់តាមស្មើនៅចុងម៉ោង។  ការប្រកួតនេះបានធ្វើឡើងនៅ កីឡដ្ឋាន Rizal Memorial និងបានផ្សាយបន្តផ្ទាល់ នៅស្ថានីយទូរទស្សន៍ហង្សមាស HDTV ផងដែរ។