អភិបាលនៃគណៈអភិបាល ខេត្តស្ទឹងត្រែងអញ្ជើញចុះពិនិត្យការដ្ឋានស្ថាបនាផ្លូវ ស្ពាន និងតបណ្តាញ អគ្គីសនី ក្នុងឃុំ នៅតាមដងទន្លេមេគង្គ ក្នុងស្រុកថាឡាបរិវ៉ាត់

ស្ទឹងត្រែង៖ ឯកឧត្តម  ម៉ុម សារឿន អភិបាលនៃគណៈអភិបាល ខេត្តស្ទឹងត្រែង អមដំណើរដោយមន្រ្តីជំនាញពាក់ព័ន្ធ បានអញ្ជើញចុះពិនិត្យការដ្ឋានស្ថាបនាផ្លូវ ស្ពាន និងតបណ្តាញ អគ្គីសនី ក្នុងឃុំ នៅតាមដងទន្លេមេគង្គ ក្នុងស្រុកថាឡាបរិវ៉ាត់ មាន ៣ ឃុំ គឺ ឃុំថាឡាបរិវ៉ាត់ ឃុំ អូររៃ ឃុំកាំង ចាម និងស្រុក សៀមបូក មាន ១ ឃុំ គឺ ឃុំ សៀម បូក នៅត្រើយខាងលិចនៃទន្លេមេគង្គ នៃ ខេត្តស្ទឹងត្រែង ។ តាមការបញ្ជាក់ របស់លោកអភិបាលស្រុក ថាឡាបរិវ៉ាត់ ផ្លូវដែលកំពុង ស្ថាបនា មានប្រវែង ៤៩៧០០ ម៉ែត្រ និងមានស្ពាន ចំនួន ១៤ លូកាត់ទទឹងជាង ២០ កន្លែង ។ បច្ចុប្បន្ន បានស្ថាបនាស្ពាន ដែកបេឡេ ចំនួន ២ និងស្ពានឈើមួយចំនួន  និងបានបោះបង្កូល តបណ្តាញអគ្គីសនី ។ ក្នុងឱកាសចុះពិនិត្យការដ្ឋាន ផ្លូវ ស្ពាន បណ្តាញអគ្គីសនី ឯកឧត្តម អភិបាល ខេត្ត បានជួបសំណេះសំណាល ជាមួយបងប្អូនប្រជាពលរដ្ឋ នៅតាមដងផ្លូវ ក្នុងភូមិ ឃុំ ដែលកំពុងស្ថាបនា ផ្លូវ ស្ពាន និងតបណ្តាញអគ្គីសនី ។ និងជូនថវិកា ក្នុងម្នាក់ៗ ២០០០០៛ ផងដែរ ។