នៅវេលាមោង ៦ម៉៣០នាទីព្រឹក ថ្ងៃអង្គារ ២កេីត ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី ៤ ខែមិថុនា ឆ្នាំ២០១៩នេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ចែងឱ្យថ្នាក់ដឹកនាំ-មន្ត្រីកាកបាទក្រហមកម្ពុជា រៀបចំពិធីបុណ្យសង្ឃទានជូនលោកជំទាវ ផ្លេក ភិរុណ ដែលមានជន្មាយុ ៩៩ឆ្នាំ (អតីតប្រធានកាកបាទក្រហមកម្ពុជាពីឆ្នាំ ១៩៧៤-១៩៧៥ និងពីឆ្នាំ ១៩៧៩-១៩៩២) ដោយបានយាង សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចព្រះមហាសង្ឃរាជនៃព្រះរាជាណាចក្រកម្ពុជា និងសម្តេចព្រះឧត្តមបញ្ញាអគ្គមហាសម្ធម្មជោត្តកតធាចារ្យ កិត្តិបណ្ឌិតនន្ទយោ ដូង ផង់ ជាព្រះអធិបតី។
ក្នុងឱកាសនេះ កាកបាទក្រហមកម្ពុជា ដែលមាន សម្ដេចព្រះមហាក្សត្រី នរោត្ដម មុនិនាថ សីហនុ ព្រះវររាជមាតា នៃព្រះរាជាណាចក្រកម្ពុជា គង់ប្រថាប់ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន សូមបួងសួងជូនចំពោះលោកជំទាវ ផ្លេក ភិរុណ ដែលជាបុព្វការីជនរបស់កាកបាទក្រហមកម្ពុជា សូមមានជន្មាយុយឺនយូរជាងរយឆ្នាំដេីម្បីជាម្លប់ដ៏ត្រជាក់ដល់កូន ចៅជំនាន់ក្រោយ៕
No comments:
Post a Comment