ទម្រង់នៃការបំបៅដោះកូនដោយដោះម្តាយ

មានទម្រង់ផ្សេងៗជាច្រេីនដូចរូបខាងក្រោម ក្នុងការបំបៅដោះកូន។ ទំរង់ទាំងនោះជួយអោយកូនបៅបានស្រួល ទាំងម្តាយដោយគ្មានការឈឺចាប់។ ការបំបៅដោះកូនតែមួយមុខគត់មុនអាយុ ៦ខែអាចជួយអោយកូនជៀសផុតពីជំងឺទាំងឡាយតាមរយៈអង់ទីករដែលបានតាមទឹកដោះម្តាយមិនងាយរាក ក្អួតឬឈឺនោះទេ។ លេីសពីនោះ កូនមានការលូតលាស់បញ្ញាស្មារតីរហ័សជាងធម្មតា តាមរយៈការប្រាស្រ័យទាក់ទងរវាងម្តាយ និងកូន កូនងាយឆាប់ចេះនិយាយនិងញញឹមលេងសេីចជាមួយ។ ទឹកដោះម្តាយមិនប្អូម ឬប្រតិកម្មនោះទេ លេីកលែងតែម្តាយមានប្រេីថ្នាំពេទ្យដែលប៉ះពាល់ ផឹកស្រាថ្នាំ ថ្នាំបុរាណ ឬខ្លួនឯងញ៉ាំអាហារដែលឆៅមិនល្អ។

ការបៅទឹកដោះគោច្រេីនតែអោយកូនបៅដេក មិនបានបីតាមទំរង់ក្បាលខ្ពស់ជាងខ្លួន ពេលខ្លះគ្រាន់តែយកកន្សែងទប់ទៀតដបទឹកដោះគោ មិនខ្ចីជួយកាន់ដបទឹកដោះគោកូន ហេីយបែរមុខចេញ។ ជាលទ្ឋផល កូនបៅទឹកដោះគោរបៀបនេះងាយក្អែរ ក្អួតក្រោយបៅ (តាមទំរង់ដេក) ពេលខ្លះឈ្លក់ចូលសួត(មិនកាន់ដបទឹកដោះគោ) ពេលខ្លះរាគ ហេីមពោះ កូនប្រឹងៗ ដោយសារអាលក្សីទឹកដោះគោ ឬទឹកដោះគោប្អូម ឬកំប៉ុងលាងមិនស្អាត និងមិនងាយចេះនិយាយ ឬការលូតបញ្ញាខ្សោយ(មិនបានមេីលភ្នែក ឬលេងជាមួយម្តាយពេលបៅ ដោយសារអ្នកបំបៅច្រេីនមិនមែនជាម្តាយ ហេីយតែងបែរមុខចេញកាន់ទូរស័ព្ទ ឬអោយទូរស័ព្ទកូនមេីលទៅវិញក្នុងពេលបៅ)។

ប្រភព៖ បន្ទប់ពិគ្រេាះជំងឺកុមារ វត្តអង្គតាម៉ិញ