កាលពីថ្ងៃព្រហស្បតិ៍ ៤ កើត ខែជេស្ឋ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី៦ ខែមិថុនា ឆ្នាំ២០១៩ អាជ្ញាធរជាតិប្រយុទ្ធនឹងជំងឺអេដស៍ បានរៀបចំ កិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០១៩ ក្រោមអធិបតីភាពឯកឧត្តម អៀង ម៉ូលី ទេសរដ្ឋមន្រ្តី ប្រធានអាជ្ញាធរជាតិប្រយុទ្ធនឹងជំងឺអេដស៍ ដោយមានការចូលរួមពីថ្នាក់ដឹកនាំអាជ្ញាធរជាតិប្រយុទ្ធនឹងជំងឺអេដស៍ ប្រធានគណៈកម្មាធិការប្រយុទ្ធនឹងជំងឺអេដស៍គ្រប់ក្រសួង ស្ថាប័ន រាជធានី ខេត្ត ប្រធានលេខាធិការដ្ឋានប្រយុទ្ធនឹងជំងឺអេដស៍រាជធានី ខេត្តទាំង២៥ អង្គការ UNAIDS, AHF, HP+ និងអង្គការសង្គមស៊ីវិលដែលធ្វេីការទាក់ទងនិងមេរោគអេដស៍ជំងឺអេដស៍។
កិច្ចប្រជុំនេះមានគោលបំណង៖
១. របាយការណ៍វឌ្ឍនភាព និងសមិទ្ធផលនៃការឆ្លេីយតបទៅនឹងការរាលដាលមេរោគអេដស៍ និងជំងឺអេដស៍ ៦ខែដេីមឆ្នាំ២០១៩។
២. ទិសដៅ និងសកម្មភាពការងារសំខាន់ៗ ដេីម្បីឆ្ពោះទៅសម្រេចបានគោលដៅយុទ្ធសាស្ត្រ ៩៥ ៩៥ ៩៥ នៅឆ្នាំ២០២៥។
៣. របាយការណ៍របស់ក្រសួងពាក់ព័ន្ធស្តីពីការអនុវត្ត ស.ជ.ណ លេខ២១៣។
នៅខេត្តកែប។
No comments:
Post a Comment