នៅរសៀលថ្ងៃពុធ ៣កេីត ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ៥ ខែមិថុនា ឆ្នាំ២០១៩ មន្ទីរបរិស្ថានខេត្តព្រះសីហនុ បានរៀបចំប្រារព្ធពិធីអបអរសាទរទិវាបរិស្ថានជាតិ និងបរិស្ថានពិភពលោក ៥ មិថុនា ក្រោមអធិបតីភាព លោក គង់ វិតណ: អភិបាលរង នៃគណ:អភិបាលខេត្តព្រះសីហនុ និងដោយមានការចូលរួមពីថ្នាក់ដឹកនាំ មន្រ្តីរាជការ មន្ទីរ ស្ថាប័នពាក់ព័ន្ធជុំវិញខេត្ត អាជ្ញាធរភូមិ/ឃុំ កងកម្លាំងទាំងបីប្រភេទ ប្រជាការពារ យុវជនសហភាពសហព័ន្ធយុវជនកម្ពុជា យុវជនកាកបាទក្រហម លោកគ្រូ អ្នកគ្រូ សិស្សានុសិស្ស និងបងប្អូនប្រជាពលរដ្ឋសរុបជាង ៥០០នាក់។
នាឱកាសនោះ លោកអភិបាលរង ក៏បានលេីកឡេីងពីបញ្ហាបំពុលខ្យល់ក្នុងក្រុងព្រះសីហនុ ប៉ុន្តែទន្ទឹមនឹងនោះ លោក បានស្នេីយ៉ាងទទូចឱ្យប្រជាពលរដ្ឋក្នុងខេត្តទាំងអស់ ចូលរួមក្នុងការធ្វេីអនាម័យបរិស្ថាន សំអាតសំរាមនៅបរិវេណជុំវិញផ្ទះឱ្យបានស្អាតល្អ ដេីម្បីការរស់នៅសុខដុមរមនាទាំងអស់គ្នា។ ឆ្លៀតឱកាសនោះផងដែរ លោកអភិបាលរង ក៏បានក្រេីនរំលឹកបងយុវជន ប្អូនៗសិស្សានុសិស្ស ត្រូវនៅឱ្យឆ្ងាយពីគ្រឿងញៀន និងធ្វេីខ្លួនជាពលរដ្ឋល្អដេីម្បីខ្លួនឯង ក្រុមគ្រួសារ និងសង្គមជាតិ៕
No comments:
Post a Comment